إعلان : تم الغاء صفحة تحويل الروابط قبل التحميل

الجسات
هى حفر يتم عملها داخل ارض الموقع المراد تنفيذ المنشأ عليه , لغرض استكشاف طبقات التربه  ومعرفة صفاتها ومعرفة نسب المياه الجوفيه وانواع الاساسات التى سيتم استخدامها ونوع الاسمنت المستخدم فى الاساسات .
 -يتم عملها عن طريق ماكينه حفر الجسات وقطر الحفره يكون من 2 - 2.5 بوصه ويتم استخراج عينه من التربه لكل عمق 1 متر
-الأرض فى مصر عباره عن طبقات فى نهايتها من اسفل التربه الاساسية التى يتم التأسيس عليها والتى تكون نوع من التالى :-
  • تربه رملية: والتى يجب التأكد من استمراريتها 10 متر لأسفل حتى يتم التأسيس عليها او كما يقال (تضرب بعرق 10متر)
  • حجر جيرى : وهى عبارة عن أرض متكلسة بتفاعلات كيميائيه وبعد مرورر فترات زمنيه كبيره تتحول الى صخر , وهذه التربه لابد ان تضرب بعرق 6 متر لأسفل 
  • صخر بأنواعه : لابد ان تضرب بعرق 3 متر لأسفل 
أهمية عمل الجسات :-
  • تحديد منسوب التأسيس المناسب
  • تحديد انواع الاساسات المناسبه للأستخدام
  • تحديد اجهاد التأسيس الصافى
  • اعطاء التوصيات اللازمه للمبانى حسب طبيعة الأرض بها والاحتياطات الواجب مراعاتها اثناء التنفيذ
  • تحديد الهبوط المتوقع تبعا للأحمال وطبيعة التربه
  • تحديد معامل النفاذيه للتربه (نفاذيه المياه) والاسلوب الانسب لسند جوانب الحفر و ضخ المياه الارضيه وتجفيفها
  • تحديد انواع المواد المستخدمه فى الاساسات حسب نسب الاملاح والكبريتات ومدى تأثيرها على مكونات الخرسانه
  • تحديد خواص التربه المختلفه فى الموقع بناء على التجارب المعمليه وتحديد مدى صلاحيتها للتأسيس واحتمالات ظهور مشاكل بها والتغلب عليها
  • تحديد طريقة سند جوانب الحفر اذا احتاج الامر فقد نحتاج خوازيق ساندة او ستائر حمايه 
  • تحديد نسبة المواد الناعمة فى التربه السطحيه ومدى امكانيه استخدامها فى اعمال الردم اذا دعت الضروره


عمق الجسة:-

 يتم تحديده بناءً على قرار استشارى التربه والأساسات حسب المنطقه التى سيتم اخذ الجسة منها .. وبعد الوصول الى التربه الاساسيه لابد من الوصول الى العِرق المذكور سابقا حتى لا يكون عرق خادع
عدد الجسات طبقا للكود فإن عدد الجسات يكون :-
  • جسه لكل 300م2 .. ولا يقل عددها عن جستين لو المسطح (100 ~ 300) م2
    لو قل المسطح عن 100م2 يتم عمل جسه واحده مع الاسترشاد بجسات المبانى المجاوره 
  • فى المنشآت ذات المسطحات الكبيره فإن : عدد الجسات واحده لكل (300 ~ 500)م2 


مكان أخذ الجسات من الموقع
عدد الجسات يكون 2 (على الاقل) او أكثر ومكان اخذها كالتالى




المسئول عن الجسات 
- أستشارى التربه والأساسات هو المسئول عن الجسات بأتفاقة مع مقاول الحفر الذى يحضر له العينات لأجراء التجارب عليها ولابد من وجود المهندس الاستشارى للإشراف على حفر الجسات

المعدات المستخدمة لعمل الجسات 




ملاحظات 
-- بعد أخذ الجسة يتم ترتيب العينات المستخرجه منها حيث يتم وضع العينه المستخرجه من المتر الاول بجوارها العينه المستخرجه من المتر الثانى وهكذا ..
-- يحدد الفنى الذى استخرج العينات مكان اخذ الجسه بدقه.
--طبعا المفروض الجسه لها عمق معين وكل متر بناخذ عينه الموضوع ده بيحصل فيه لعب ازاي مثلا المفروض يكون عندك 10 عينات يعني من 10متر عمق البيه بيعمل ايه كل 1 م ياخذ عينتين يعني مش هينزل غير 5متر بس طبعا لازم تكون صاحي للموضوع وتشوف المواسير اللي نزلت كام متر
-- بنعمل اختبار اسمه اختبار الاختراق القياسي sptطبعا لازم اعمله لكل متر عمق هو طبعا برده مش هيعمل لكل 1 متر برده لازم اكون فاهم ايه اللي بيحصل
-- طبعا لازم يكون معاه شمع علشان اشمع العينه لان لو معملتش لها تشميع خصائصها هتتغير وخصوصا محتوي الماء اللي في العينه
-- من اسباب المشاكل اصلا ان مقاول الجسه جايب شويه عمال اي كلام ليس لديهم الخبره في التعامل مع العمل من ناحيه كل حاجه لابد ان يكون المقاول معه فنيين علي قدر عالي من الخبره في العمل
-- طبعا لازم اشيك علي المعده الخاصه بالجسات زي ما بنشيك علي الخلاطه في شغل الخرسانه
--لازم كل عينه اكتب عليها العمق بتاعها عليها لكي احصل علي ترتيب الطبقات كما هو في الطبيعه ولكي يتم استخراج قيم حقيقيه لان كل عينه بياثر عليها ارتفاع عمود التربه اعلاها وبالتالي العمق مؤثر علي الدقه 


فيديو 




المصادر : دبلومة تنفيذ لمهندس محترف,كتاب نيودريل لأعمال الجسات ,لينك1 




شارك الموضوع :