اليأس خيانه


بسم الله الرحمن الرحيم
تصميم المنشآت الخرسانية الجزء الأول - م. كريم سيد جابر
هذا الكتاب يحاول أن يقدم بشكل مبسط ومنسق قدر الإمكان دليل هندسي متكامل يشمل كل ما قد تحتاجة كمهندس إنشائي لتتمكن من إعداد تصميم هندسي إنشائي إقتصادي وآمن للمنشآت الخرسانية المختلفة حيث يبدأ معك الكتاب من الصفر بداية من تاريخ تطور الخرسانة ثم تعريف المواد المستخدمة في عمليات التشييد ودراسة خواصها الفيزيائية والكيميائية التي قد تحتاجها ثم يخطو معك بشكل منظم عبر أساسيات عمليتي التحليل والتصميم الإنشائي لعناصر المنشأ وحتى الموضوعات المتخصصه في تصميم المنشآت الخرسانية وذلك ليصل بك الى مستوى تكون فيه ملم بكافة أساسيات عملية التصميم الإنشائي.

تحميل الكتاب :


تعريف ومكونات الكتاب:
يتناول الجزء الأول من كتاب تصميم المنشآت الخرسانية بشكل أساسي كافة الموضوعات الأساسية لتصميم المنشآت الخرسانية المسلحة طبقاً للكودين المصري والأمريكي ,حيث يخطو معك من البداية وحتى تصميم الكمرات الخرسانية المستمرة.
بشكل عام تم إعتماد النظام الدولي للوحدات وذلك لإعتماده في العديد من الدول ولتعظيم اقصى استفاده من توضيح الفروقات بين كلاً من الكودين المصري والأمريكي وللتحويل الى نظم الوحدات الخاصة بكل بلد يمكن الرجوع لجداول التحويلات في الملحقات.
يتكون الكتاب من ثمانية فصول تبدأ  بمقدمة أساسية لعلم الخرسانة المسلحة ثم تتدرج في دراسة عمليات تحليل وتصميم القطاعات الخاصة بالعناصر الخرسانية وصولاً الى تصميم عناصر خرسانية بشكل كامل وبشكل مختصر يكمن تلخيص محتوى هذه الفصول كما يلي :
يبدأ الكتاب بالباب الأول من كتاب تصميم المنشآت الخرسانية (مقدمة) : ويتناول هذا الفصل مقدمة ومدخل الى تصميم المنشآت الخرسانية المسلحة حيث يبدأ بدراسة تعريف الخرسانة المسلحة ونشأتها ثم يدرس مزايا وعيوب استخدام الخرسانة المسلحة كمادة بناء وبعد ذلك يدرس خطوات عملية التصميم الإنشائي للمنشآت المختلفه , ثم يدرس تعريف الأكواد التصميمية وانواعها وبعدها مقدمة الى الأحمال المؤثرة على المنشآت المختلفه وأخيراً معاملات الأمان المستخدمة في الاكواد المختلفه خلال عملية التصميم.
يتضمن الباب الثاني  من كتاب تصميم المنشآت الخرسانية (المواد) كافة التعريفات والإشتراطات الخاصة بالمواد المستخدمة في الخرسانة التي يجب على المهندس الإنشائي الإلمام بها حيث يتضمن كافة الإشتراطات الخاصه بالأسمنت , الركام, المياة وأخيراً الإضافات وبعد ذلك يدرس الخواص الفيزيائية والميكانية للخرسانة الطازجة والمتصلدة وأخيراً حديد التسليح .
يتضمن الباب الثالث من كتاب تصميم المنشآت الخرسانية  (تحليل القطاعات تبعاً لعزوم الإنحناء) دراسة مستفيضة لتحليل القطاعات الخرسانية تبعاً لعزوم الإنحناء حيث يبدأ بتعريف ماهية العزوم وكيفية تأثيرها على العناصر وأنواع العزوم المؤثرة ثم يدرس سلوك الكمرات الخرسانية الغير مسلحة والمسلحة تبعاً لعزوم الإنحناء وبعد ذلك دراسة معمقه ومستفيضه لتحليل القطاعات الخرسانية الغير مشرخة والمشرخة تبعاً لعزوم الإنحناء وكذلك دراسة القطاعات الغير منتظمة وذلك للوصول الى أساس قوى لمفهوم عزوم الإنحناء وتأثيرها على العناصر الخرسانية المختلفه وكذلك الإلمام بطرق تحليل كافة القطاعات الخرسانية تبعاً لعزوم الإنحناء.
يتضمن الباب الرابع من كتاب تصميم المنشآت الخرسانية  (تصميم القطاعات تبعاً لعزوم الإنحناء) كافة الطرق والنظريات المستخدمة لتصميم القطاعات الخرسانية المسلحة والتي سبق دراسة طرق تحليلها في الباب الثالث , ويبدأ الباب بدراسة الإعتبارات الأساسية المطلوب دراستها اولاً قبل الخوض في تصميم القطاعات الخرسانية ثم يتدرج في تصميم القطاعات الخرسانية المختلفة تبعاً لكلاً من الكودين المصري والأمريكي.
يتضمن الباب الخامس من كتاب تصميم المنشآت الخرسانية  (تصميم القطاعات تبعاً لقوى القص) دراسة مستفيضة لقوى القص المؤثرة على القطاعات الخرسانية حيث يبدا بدراسة سلوك الكمرات الخرسانية الغير مسلحة والمسلحة بالتسليح المقاوم للقص وكذلك دراسة أنواع التسليح المستخدم لمقاومة قوى القص وأخيراً دراسة إعتبارات وإشتراطات تصميم القطاعات تبعاً لقوى القص بأستخدام كلاً من الكودين المصري والأمريكي.
يتضمن الباب السادس من كتاب تصميم المنشآت الخرسانية  (تصميم القطاعات تبعاً لعزوم الإلتواء) دراسة مستفيضة لعزوم الإلتواء المؤثرة على القطاعات الخرسانية حيث يبدا بدراسة سلوك الكمرات الخرسانية الغير مسلحة والمسلحة بالتسليح  المقاوم لعزوم الإلتواء وكذلك دراسة أنواع التسليح المستخدم لمقاومة عزوم الالتواء وأخيراً دراسة إعتبارات وإشتراطات تصميم القطاعات تبعاً لعزوم الإلتواء بأستخدام كلاً من الكودين المصري والأمريكي.
يتتضمن الباب السابع من كتاب تصميم المنشآت الخرسانية  (التماسك بين الحديد والخرسانة وطول الرباط ووصلات حديد التسليح) دراسة مستفيضة للتماسك بين كلاً من الخرسانة وحديد التسليح حيث يتضمن كافة العوامل المؤثرة على التماسك بين كلاً من الخرسانة وحديد التسليح وكذلك تعيين قيمة طول التماسك واطوال الرباط لخديد التسليح وكذلك أماكن إيقاف حديد التسليح بالعناصر الخرسانية.
وأخيراً يتضمن الفصل الثامن من كتاب تصميم المنشآت الخرسانية  (تصميم الكمرات الخرسانية) تطبيقات عملية على كافة ما ورد بالفصول السابقة وذلك من خلال تصميم الكمرات الخرسانية تحت تأثير الأحمال وتصميم القطاعات الحرجة للكمرات تبعاً لكلاً من عزوم الإنحناء, قوى القص , عزوم الألتواء وأيضاً كافة إعتبارات التماسك وإعتبارات إيقاف حديد التسليح في الكمرة.
وبذلك ينتهي الجزء الأول من كتاب تصميم المنشآت الخرسانية على ان يتم إستكمال تصميم باقي العناصر الخرسانية التي لم يسع ذكرها خلال هذا الجزء خلال الجزء الثاني من الكتاب.




نعود اليكم بالجزء الثاني من مذكرات مهندس انشائي - وفي هذا الجزء نتناول تفصيلياً أحمال الرياح وتأثيرها على المنشآت وكيفية التحليل اليدوي وبإستخدام البرامج للمنشآت الخرسانية تحت تأثير أحمال الرياح وذلك من خلال خطوات مفصله وموضح بها شرح عملية التأكد من أمان المنشآت من خطر الإنقلاب (Over-turning) والإنزلاق (Sliding) نتيجة تأثير الرياح



الجزء الثالث من اشهر اسئلة الانترفيو للمهندس المدني وهذه المره يصل عدد الأسئلة الى 30 سؤال مختلف في كلاً من تصميم وتنفيذ المنشآت الخرسانية وقد تم نشر هذه الاسئلة  من خلال صفحة اكاديمية بناء على الفيس بوك خلال شهر رمضان المبارك لعام 2018 والذي تم الاجابه عليها من خلالنا.

والاسئلة المطروحه هي :

 1. إيه الفرق بين طول الرباط (Development Length) و طول الوصلة (Splice Length) و طول الركوب (Anchorage Length) ؟
2. ليه حديد الأعمدة بيكون في أطراف القطاع مش في قلب العمود ؟
3. إمتى أستخدم Solid Slab أو Flat Slab أو Hollow Blocks ؟
4. هل يمكن أن يكون الـ Zero Shear و الـ Zero Moment لعنصر خرساني عند نفس القطاع؟
5. إيه هي فائدة السملات في القواعد المنفصلة ؟
6. ليه الفرش في الـ Solid Slab بيكون في الإتجاه القصير و في الـ Flat Slab بيكون في الإتجاه الطويل؟
7. ليه يجب أن تستمر كانات العمود داخل القاعدة ؟
8. ليه أقصي تسليح مسموح به للأعمدة الركنية أكبر من الأعمدة الطرفية أكبر من الأعمدة الوسطية ؟
9. ليه شوكة الكابولي (الـ Cantilever) بتستمر 1.50 طول الكابولي ؟
10. مجموع ألفا و بيتا في البلاطات الـ Two Way Solid Slab بيكون في حدود 70% ، الـ 30% الباقين دول هيتوزعوا إزاي ؟
11. وضح إتجاه فرش حديد التسليح في القواعد المشتركة و قواعد الجار؟
12. في البلاطات الـ One Way Hollow Block إمتى الأعصاب لازم تكون في الإتجاه الطويل ؟
13. إيه سبب وجود الـ Moment اللي في طرف الكمرة اللي قيمته Wl2/24 ؟
14. إمتى يكون تسليح القاعدة المنفصلة علي شكل حرف U و إمتى يكون علي شكل حرف L ؟
15. يعنى إيه المنشأ Stable أو Unstable ؟ و يعنى إيه المنشأ Determinate أو indeterminate ؟
16. إيه هي الحالات اللي لو حصلت يبقي الكمرة عليها Torsion ؟
17. يعني إيه مصطلح (مونة مفلفلة) و بنستخدمها في إيه؟
18. ليه الشروخ الناتجة عن الـ Shear في الكمرات بتكون في الغالب علي زاوية 45 ؟
19. إيه الفرق بين فواصل الهبوط و فواصل التمدد و فواصل الإنكماش و فواصل الصب و الفواصل الزلزالية؟
20. إيه هي فايدة إستخدام الكانات في الأعمدة؟ و ليه بيتم تكثيف الكانات؟
21. يعني إيه خوازيق بنتونايت و ليه بنستخدمها؟
22. في أعمال حصر الكميات.. منطقة تداخل الأعمدة مع الكمرات هل بيتم حصرها مع بند خرسانة الأعمدة أم مع بند خرسانة الأسقف؟
23. هل يجوز وصل حديد الأعمدة في منتصف إرتفاع العمود ولا لأ؟
24. يعني إيه: كانة عيون- كانة شاتش- كانة حباية- كانة صندوق- كانة أوتوماتيك- كانة حجاب- كانة حلزونية- كانة كلبس ؟
25. إيه أقصى حمل رأسي يقدر يتحمله عمود خرساني قطاعه 30* 70 و تسليحه 10 أسياخ 16 مم و الخرسانة المستخدمة بإجهاد 350 كجم/ سم مربع؟
26. يعني إيه عقود فيديك؟ مع توضيح أهم أنواع عقود المقاولات
27. يعني إيه المصطلحات (توشيح- تجنيط- تحبيش- تقطيب- تخويش- تحريب- تحديب- تكريب) في الموقع؟
28. إيه الفرق بين الحصر الهندسي و الحصر الفعلي للبنود المنفذة في الموقع؟
29. يعني إيه تكنولوجيا الـ BIM ؟ و إيه أشهر البرامج اللي بتشتغل بيها؟
30. يعني إيه Value Engineering ؟




من اكبر المجالات المهدور حقها فى الوسط الهندسي فى مصر , هو افتقاد الوسط لبرمجيات مصريه متكامله لتحليل وتصميم العناصر الخرسانيه طبقاً للكود المصري, والاكتفاء بشيتات الاكسيل والبرمجيات محددة الخصائص والوظائف التى يشكر مبرمجيها عليها :)) , ولكن ايماناً بوجود هدف وهو السعى لمحاولة المساهمه فى المجتمع الهندسي , كان التحدي هو برمجة وتصميم برنامج هندسي انشائي "متكامل" خاص بتحليل العناصر الخرسانيه طبقاً للكود المصري .
ولأن كل حاجه بتبدي صغيره فتم الاقتصار حاليا على برنامج تحليل وتصميم الكمرات الخرسانيه طبقاً للكود المصري للخرسانه بنسخته الاخيره.
والفكره بدأت من فتره , حيث ان كان فيه مشكله بتواجهني مع الزملاء فى مشروع التخرج وهي ان برامج التحليل الانشائي كانت بتطلع "بشكل افتراضي" نتائج غير واقعيه للعزوم المؤثره على الكمرات مقارنة بالحل اليدوي -
"وهذا لا يعنى خطأ البرامج حسابياً" - وبالتالى كان البديل الاصوب هو تصميم كل الكمرات بشكل يدوي- بدلاً من عمل خطوات غير مبرره للتحايل على البرنامج- ولكن لأن الحل ده مرهق على المدى الطويل , فكان لازم يكون فيه بديل بيحقق كل من : السرعه , العمليه , واهم نقطه هو انه يكون مضمون ويعتمد عليه , علشان كده ظهرت الحاجه لبرنامج :-
Concrete Beam Design (CBD)
وال هيكون ان شاء الله - كما اتمنى - جزء من سلسلة اكبر وهى :-
Egyptian Concrete Analysis and Design(ECAD)
وطبعاً لأن العامل الاساسي في تقييم جودة اى برنامج انشائي هو مدى متابعة البرنامج لخطوات التحليل التصميم المحدده بدقه وتوافر ده من خلال نوته حسابيه مفصله لكل خطوه تم اعتمادها بداية من التعريفات وحتى كميات التسليح وابعاد القطاعات فتم مراعاة ذلك بصوره كافيه من خلال النوته الحسابيه للبرنامج وال تقدر تصدرها كملف PDF بمجرد الضغط على زر التحليل وال تقدر تشوف عينه منها على الرابط الآتي
http://www.mediafire.com/file/zb0h8yh1p5k35y8/CBD%20-%20SAMPLE%20Calculation%20Sheet.pdf
وملاحظه هامه :-وهى ان البرنامج بأصدارته ال هيتم نشرها مجاني تماماً فقط , دعواتكم



رابط تحميل البرنامج

شرح البرنامج

وعلشان تستخدم البرنامج على ويندوز xp او 7 لازم تنزل الـ ,net framework 4.5 من اللينك الآتي
واخيراً , اثناء عملية التصطيب على ويندوز 8 و 10 , هيجيلك الرساله المرفقه وهى ان الناشر (Publisher) الخاص بالبرنامج غير معروف وهينصح بعدم تسطيبه ولكن الكلام ده مش مظبوط ولازم تدوس See more وبعدين Run anway علشان تقدر تسطب البرنامج , وتقدر تعمل فحص (Scan) للبرنامج الاول قبل ما تسطبه علشان تضمن آمانه.

سلسلة الكودات المصريه للأعمال الانشائيه واعمال البناء 

كودات الاعمال الانشائيه 200

الكود المصري لتصميم وتنفيذ المنشآت الخرسانية (كود 203)

تحميل 


يشمل هذا الدليل كافة معدلات اداء الأعمال المدنية بداية من الحفر والاحلال ثم النجارة والحداده والصب ثم المباني 
ليشمل معظم ما يحتاجة المهندس لتخطيط الفترات الزمنية للمشروع ببشكل مبدئي بناء على اطقم العمالة المتاحة ومعدلات ادائهم وبنود المشروع



الجزء الثاني من اشهر اسئلة الانترفيو للمهندس المدني (26 سؤال) والذي تم نشره من خلال صفحة اكاديمية بناء على الفيس بوك خلال شهر رمضان والذي تم الاجابه عليها من خلالنا.

   #السؤال_الأول :إزاي تفرق بين الجبس والأسمنت الابيض ؟
    #السؤال_الثاني : إمتى تكون كمرة وسطية تسليحها الرئيسي فوق مش تحت؟
   #السؤال_الثالث : ليه بنحط حديد التسليح للأعمدة في المحيط الخارجي  فقط و مابنحطش حديد في قلب العمود؟
   #السؤال_الرابع : احسب ارتفاع الكرسي لسقف فلات سمكه 24سم و جميع الحديد المستخدم قطر 12 مم ؟
   #السؤال_الخامس : إيه أنسب أماكن لوصلات الحديد العلوي و السفلي للسملات؟
   #السؤال_السادس : يعني إيه مصطلح " بربقه " ؟
   #السؤال_السابع :  كام أقل عدد من الأسياخ ممكن يتحط للعمود الدائري ؟
   #السؤال_الثامن : إيه الحالة اللي يكون فيها الـMax Shear و الـMax Momentt في نفس المكان؟
   #السؤال_التاسع : يعني إيه مصطلح "ستوكة أنتيكة" ؟
   #السؤال_العاشر : احسب طول السيخ اللازم لعمل كانة لكمرة قطاعه 25*70 ؟
   #السؤال_الحادي_عشر : طول إشارة العمود بيتحسب إزاي ؟
   #السؤال_الثاني_عشر : إيه الفرق بين الإيبوكسي و الأديبوند و الجراوت؟
   #السؤال_الثالث_عشر : إمتى بيتم حصر كميات الخرسانة بالمتر المربع ؟
   #السؤال_الرابع_عشر : ليه بنمنع استخدام الجبس في بياض المحارة ؟
   #السؤال_الخامس_عشر : يعني إيه مصطلح "جوماطة" ؟
   #السؤال_السادس_عشر : احسب كمية الخرسانة اللازمة لصب قبة نصف كروية قطرها الداخلي 5م و سمك البلاطة 10 سم؟
   #السؤال_السابع_عشر : كم أقل عدد من الكانات يلزم لعمود إرتفاعه 3 متر ؟
   #السؤال_الثامن_عشر : يعني إيه ضمان عشري ؟
   #السؤال_التاسع_عشر : الحديد الرئيسي للسملات بيكون فوق ولا تحت ؟
   #السؤال_العشرون : كام أكبر قطر حديد تسليح مسموح باستخدامه في بلاطة سوليد سلاب ؟
   #السؤال_الحادي_والعشرون: ليه مش بنعمل Check Shear للبلاطات ؟
   #السؤال_الثاني_والعشرون : كمرة مستمرة 3 بحور، الحديد السفلي للكمرات يكمل سيخ واحد ولا يتعمل سيخ لكل كمرة لوحدها ؟
   # السؤال_الثالث_والعشرون: ليه الكمرات الدائرية بيكون عليها Torsion ؟
   # السؤال_الرابع_والعشرون: إمتى تكون بلاطة سوليد فرشها في الإتجاة الطويل ؟
   # السؤال_الخامس_والعشرون: يعني إيه مصطلح "دبلاق" ؟
   # السؤال_السادس_والعشرون: كام عدد الأسياخ في طرد الحديد فاي 16 مم ؟







مُلخص لأهم اشتراطات واحتياطات بنود التنفيذ فى الكود المصري للمنشآت الخرسانيه المسلحه
--------- 
سلسلة الكود بيقولك تتضمن معظم ما يهم مهندس التنفيذ مدعمه بأرقام البنود التى يسهل الرجوع اليها عند الحاجه من الكود المصري ,ومرفق لينك لتحميل الكود فى آخر الملف





هذا الملف/اوالسلسله كما اتمنى ان تكون , موّجهه بشكل اساسي للمهندسين والطلاب ممن لم يسبق لهم التعامل بشكل مباشر مع كود الخرسانه, وبالتالى قد تختلط عليهم الامور فى بادئ تعاملهم معه,ولحل هذه المشكله , يمكنك قراءة هذا الملف حيث يوفر لك العديد من الاسئله والمسائل المحلوله فى عدة موضوعات التى قد تجدها امامك اثناء التصميم الانشائي للمنشآت المختلفه او خلال أسئلة المقابلات الشخصيه فى الشركات الانشائيه  ومرفق مع كل سؤال البند الذي يخصها من الكود وبالتالي يمكنك يمكنك ايجاد البند من الكود وقراءة المزيد حول ذلك البند وتتحسن  قدرتك على التعامل مع الكود مستقبلاً .



نقدم لكم اشهر 30 سؤال تنفيذياً يتم توجيهم  لطلاب ومهندسين مدني فى المقابلات الشخصيه , الاسئله مقدمه من صفحة اكاديمية بناء لشهر رمضان من خلال مسابقة فوزاير هندسيه , تم الاجابه بواسطة م.كريم سيد

قائمة الاسئله التى تم الاجابه عليها 
السؤال الأول:-
--------------
"إيه الفرق بين الميدة و السمل و الشداد من حيث الوظيفه و الأحمال و التسليح و المنسوب ؟"
السؤال الثانى:-
--------------
أكيد كلنا عارفين طبعاً إننا بنقاوم إجهادات الضغط باستخدام الخرسانه و إجهادات الشد باستخدام الحديد.. السؤال بقى.. "ليه بنحط حديد تسليح في الأعمدة مع أنها معرضه لقوى ضغط و ليس قوى شد؟"
السؤال الثالث:-
--------------
ليه بنصب الخوازيق أعلى من المنسوب اللي محتاجينه بمتر و بعدين نرجع نكسر رؤوس الخوازيق من تاني... ليه مابنصبش فقط الإرتفاع اللي إحنا محتاجينه من الأول على طول..؟
السؤال الرابع:-
--------------
"لو عندنا سقف فلات سلاب سمك البلاطه 25 سم و حديد التسليح المستخدم للشبكه العلويه قطر 12 مم و للشبكه السفليه قطر 16 مم - إحسب ارتفاع الكرسي...؟ "
السؤال الخامس:-
--------------
"فاصل الصب في الخرسانه بيكون عند الزيرو شير ولا عند الزيرو مومنت..؟ و ليه..؟
السؤال السادس :-
--------------
"حديد الفرش بيكون في الإتجاه القصير ولا الإتجاه الطويل لكل من (القواعد المنفصله- القواعد المشتركه- اللبشه- البلاطات السوليد سلاب- البلاطات الفلات سلاب)؟
السؤال السابع:-
--------------
"هل محاور المبنى (الأكسات) تكون في منتصف (القواعد أم الأعمدة أم الحوائط)؟"
السؤال الثامن:-
-------------
" يعني إيه المصطلحات دي في الموقع: (ضفدعه- عصفورة- خنزيرة- حمار- حصان- رجل غراب- ديل يمامه- ظهر حيه- جمل- سمكه- نحله- فراشه- فارة- سنجابي- بلبل) ؟ "
السؤال التاسع:-
--------------
"إمتى تكون كمرة داخليه في سقف تسليحها الرئيسي فوق و الثانوي تحت..؟"
السؤال العاشر:-
--------------
" إزاي بنظبط بياض محارة الأعمدة الدائريه..؟ "
السؤال الحادى عشر:-
--------------
" هل ينفع نوصل أشاير العمود في منتصف إرتفاع العمود ولا لأ؟ و ليه؟ "
السؤال الثانى عشر:-
--------------
"احسب طول السيخ المستخدم لعمل كانه لكمره 70* 25..؟ "
السؤال الثالث عشر:-
--------------
" ليه بنعزل مباني قصه الردم..؟ "
السؤال الرابع عشر:-
--------------
" إيه الفرق بين:
Pre stressed concrete, Pre-cast concrete, Pre Tension concrete, Post tension Concrete.؟ "
السؤال الخامس عشر:-
--------------
" إيه السبب اللي بيخلي شروخ سطحيه تظهر على سطح خرسانه الأسقف تاني يوم الصب..؟ "
السؤال السادس عشر:-
--------------
"أرجل أشاير الأعمدة داخل القواعد.. الصح تكون إتجاها لجوه ولا لبره...؟ "
السؤال السابع عشر:-
--------------
"إيه الفرق بين فواصل الهبوط و فواصل التمدد و فواصل الإنكماش و فواصل الصب...؟"
السؤال الثامن عشر:-
--------------
"إيه الأفضل في عزل الأسطح... إن يكون عزل الرطوبه تحت و عزل الحرارة فوق ولا عزل الحرارة تحت و عزل الرطوبه فوق..؟ "
السؤال التاسع عشر:-
--------------
"إيه أقل مدة زمنيه لفك الشده الخشبيه لللأسقف الخرسانيه..؟ "
السؤال العشرون:-
--------------
" ما قيمه أكتر ميل مسموح بيه لعمود خرساني إرتفاعه 3 متر وفقاً للكود المصري..؟ "
السؤال الحادى والعشرون:-
--------------
"ليه بنعالج الخرسانه بالمياه بعد الصب...؟"
السؤال الثانى والعشرون:-
--------------
" يعني إيه مصطلحات البياض دي (بياض ممسوس- بياض متخشن- بياض مخدوم- بياض متربي- بياض معضم- بياض مفوش- بياض مطبل- بياض مقتول- بياض منمل- بياض مشعر- بياض مطقطق- بياض مملح- بياض مزهر- بياض ممشط- بياض مزنبر)...؟ "
السؤال الثالث والعشرون:-
--------------
" إحنا بنعزل الأرضيه الخرسانيه للدور الأرضي عشان المياة الجوفيه ماتطلعش لفوق في الدور الأرضي ولا عشان مايحصلش تسريب من مياة الدور الأرضي للأساسات..؟
السؤال الرابع والعشرون:-
--------------
"إيه الفرق بين الكمرة الساقطه و الكمرة المقلوبه و الكمرة المدفونه من حيث الوظيفه و التصميم و التنفيذ...؟
السؤال الخامس والعشرون:-
--------------
"بالنسبه للسملات بنوصل الحديد العلوي فين و بنوصل الحديد السفلي فين...؟"
السؤال السادس والعشرون:-
--------------
" إيه الفرق بين السيراميك و البورسلين و الفرق بين الرخام و الجرانيت.؟ "
السؤال السابع والعشرون:-
--------------
" إيه أقصى حمل رأسي يقدر يشيله عمود خرساني قطاعه 30*60 و تسليحه 8 فاي 16 و الخرسانه المستخدمه إجهاد 300 كجم/ سم مربع...؟ "
السؤال الثامن والعشرون:-
--------------
" إيه الأماكن المسموح فيها بوصل حديد التسليح للشبكتين العلويه و السفليه في الفلات سلاب و اللبشه..؟ "
السؤال التاسع والعشرون:-
--------------
" إيه الفرق بين مقاس حطه الأشاير و مقاس حطه النجارة للأعمدة..؟ "
السؤال الثلاثون:-
--------------
" إمتى بنستخدم الطوب الطفلي (الأحمر) و إمتى بنستخدم الطوب الأسمنتي (الرمادي) في أعمال المباني..؟ "